Կանչ քննչական մարմին
Ինչ կարգավիճակով եք կանչվել, ինչ իրավունքներ ունեք և ինչպես պատասխանել քննիչի կողմից առաջադրված հարցերին, եթե չունեք փաստաբան։
Դավիթ Դանիելյան
Յոթ տարվա փորձ քննչական մարմիններում
Հստակ գնահատական՝ քրեական վարույթի շրջանակներում Ձեր մասնակցության վերաբերյալ։ Խորհրդատվություն քրեաիրավական հարցերով՝ մասնագետի կողմից, ով տարիներ շարունակ աշխատել է քննչական մարմիններում և գիտի քրեական վարույթի քննության առանձնահատկությունները։
Ինչ հարցերով կարող եք դիմել
Խորհրդատվությունը նպատակ ունի հենց վարույթի սկզբից ապահովել Ձեր սահմանադրական իրավունքները։
Ձերբակալված կամ մեղադրյալ
Մեղադրանքի բովանդակության, ապացույցների և հնարավոր դիրքորոշման գնահատում, ինչպես նաև ձերբակալման իրավաչափության գնահատում։
Խափանման միջոց
Կալանքի և այլընտրանքային խափանման միջոցների հիմքերի, ժամկետների և դրանց վիճարկման հնարավորությունների բացատրություն։
Տուժողի իրավունքներ
Ինչ իրավունքներ ունի տուժողը, ինչպես մասնակցել վարույթին և ինչ պահանջել։
Վկայի կարգավիճակ
Վկայի իրավունքներն ու պարտականությունները, այդ թվում՝ ինքն իր դեմ ցուցմունք չտալու իրավունքը։
Որոշումների և դատական ակտերի գնահատում
Քննիչի որոշման կամ դատական ակտի իրավական վերլուծություն և հնարավոր հետագա քայլերի քննարկում։
Անմեղ է, քանի դեռ մեղքն ապացուցված չէ
Հանցագործության մեջ կասկածվող կամ մեղադրվող անձը համարվում է անմեղ, քանի դեռ նրա մեղավորությունն ապացուցված չէ օրենքով սահմանված կարգով՝ դատարանի՝ օրինական ուժի մեջ մտած դատավճռով։ՀՀ Սահմանադրություն, հոդված 66 · Կոնվենցիա, հոդված 6 § 2
Ինչ է երաշխավորում Մարդու իրավունքների եվրոպական կոնվենցիան
Հայաստանը Կոնվենցիայի մասնակից է։ Ահա մի քանի սկզբունք, որոնք պաշտպանում են յուրաքանչյուրին քրեական վարույթում։
Կոնվենցիա, հոդված 6 · ՄԻԵԴ պրակտիկա
Պաշտպանը՝ առաջին հարցաքննությունից
Որպես կանոն, անձը պետք է պաշտպանի օգնությունից օգտվելու հնարավորություն ունենա արդեն առաջին հարցաքննության ժամանակ։
Կոնվենցիա, հոդված 3
Խոշտանգման արգելքը բացարձակ է
Ոչ մի հանգամանք չի արդարացնում խոշտանգումը կամ անմարդկային կամ արժանապատվությունը նվաստացնող վերաբերմունքը։
Կոնվենցիա, հոդված 3 · ՄԻԵԴ պրակտիկա
Սպառնալիքն էլ կարող է արգելված լինել
Հարցաքննության ժամանակ ցավ պատճառելու սպառնալիքը կարող է որակվել որպես անմարդկային վերաբերմունք՝ նույնիսկ առանց ֆիզիկական բռնության։
Կոնվենցիա, հոդվածներ 3 և 6 · ՄԻԵԴ պրակտիկա
Բռնությամբ ստացված ցուցմունքն արդարության հիմք չէ
Խոշտանգմամբ ձեռք բերված ցուցմունքի հիման վրա դատապարտումը խախտում է արդար դատաքննության իրավունքը։
Կոնվենցիա, հոդված 3 · ՄԻԵԴ պրակտիկա
Բողոքը պետք է արդյունավետ քննվի
Եթե անձը պնդում է, որ ենթարկվել է վատ վերաբերմունքի, պետությունը պարտավոր է իրականացնել արդյունավետ քննություն։
Կոնվենցիա, հոդված 6 § 3 (d)
Մեղադրանքի վկաներին հարցեր տալու իրավունք
Մեղադրյալն իրավունք ունի հարցաքննել կամ հարցաքննել տալ իր դեմ ցուցմունք տվող վկաներին։
Կոնվենցիա, հոդված 6 § 1
Գործը՝ ողջամիտ ժամկետում
Յուրաքանչյուր ոք ունի իր գործի արդարացի և հրապարակային քննության իրավունք՝ ողջամիտ ժամկետում, անկախ և անկողմնակալ դատարանի կողմից։
Կոնվենցիա, հոդված 2 · ՄԻԵԴ պրակտիկա
Ուժը՝ միայն բացարձակ անհրաժեշտության դեպքում
Պետական մարմինների կողմից ուժի կիրառումը պետք է լինի բացարձակ անհրաժեշտ և խիստ համաչափ օրինական նպատակին։
Սա ընդհանուր տեղեկատվություն է։ Այս սկզբունքների կիրառումը կոնկրետ դեպքում կախված է գործի հանգամանքներից։
Քրեաիրավական ոլորտի մասնագետ, Virtus Lex-ի հիմնադիր
ԴավիթԴանիելյան
Դավիթ Դանիելյանի մասնագիտացումը քրեաիրավական ոլորտն է։ Նա յոթ տարի աշխատել է քննչական մարմիններում՝ ՀՀ հատուկ քննչական ծառայությունում և ՀՀ քննչական կոմիտեում։
Նա գիտի, թե ինչպես է կառուցվում քրեական վարույթը, ինչ քայլեր են իրականացվում քննության ընթացքում և որտեղ են հաճախ առաջանում հարցեր։ Այդ գիտելիքն օգնում է մարդկանց հասկանալ իրենց իրավիճակը՝ պարզ լեզվով և առանց ավելորդ խոստումների։
- 2020–2025
- ՀՀ քննչական կոմիտեՔննիչ, ավագ քննիչ, ՀԿԳ քննիչ
- 2018–2020
- Հատուկ քննչական ծառայությունՎարչության պետի օգնական
Պայմաններ
Ինչ պետք է իմանաք նախքան դիմելը։
- Խորհրդատվության արժեքը
- 20 000 դրամ
- Պատասխանի ժամկետ
- 2 ժամվա ընթացքում՝ 10:00–20:00
- Հանդիպում
- Երևան, Կենտրոն վարչական շրջան՝ նախնական պայմանավորվածությամբԱռցանց՝ տեսազանգով
- Գաղտնիություն
- Ձեր դիմումն ու տրամադրած տեղեկությունները քննարկվում են գաղտնի։
- Ազնվություն
- Առանց անհիմն խոստումների և «արդյունքի երաշխիքի»։
Չորս քայլ՝ առաջին կապից մինչև հստակություն
- 1
Կապ
Գրեք կամ զանգահարեք և կարճ նկարագրեք իրավիճակը։
- 2
Փաստաթղթեր
Ուսումնասիրվում են Ձեր ունեցած փաստաթղթերը՝ կանչ, որոշում, արձանագրություն։
- 3
Խորհրդատվություն
Քննարկվում են Ձեր դեպքը, իրավունքները և հնարավոր տարբերակները։
- 4
Հաջորդ քայլեր
Դուրս եք գալիս հստակ պատկերացմամբ՝ ինչ անել և ինչին պատրաստվել։
Պատասխաններ մինչև խորհրդատվությունը
Չգտա՞ք Ձեր հարցը։ Գրեք WhatsApp-ով կամ Telegram-ով։
Ի՞նչ անել, եթե ինձ կանչել են քննչական մարմին
Մի շտապեք որոշումներ ընդունել և մի ստորագրեք այն, ինչ չեք հասկանում։ Նախ պարզեք, թե ինչ կարգավիճակով եք կանչվել և ինչ իրավունքներ ունեք։ Հարմար է դա քննարկել մինչև ներկայանալը։
Ինչպե՞ս պատրաստվել խորհրդատվությանը
Հավաքեք ձեռքի տակ եղած փաստաթղթերը և գրեք իրադարձությունների հերթականությունը։ Եթե փաստաթղթեր չունեք, նույնպես կարող եք դիմել։
Արդյո՞ք խորհրդատվությունը գաղտնի է
Այո, Ձեր դիմումն ու տրամադրած տեղեկությունները քննարկվում են գաղտնի։
Երաշխավորո՞ւմ եք գործի արդյունքը
Ոչ։ Ազնիվ մասնագետը չի կարող երաշխավորել դատավարության արդյունքը։ Մասնագետի խնդիրն է օգնել Ձեզ հասկանալ իրավիճակը, իրավունքները և հնարավոր տարբերակները։
Ի՞նչ տարբերություն կա խորհրդատվության և պաշտպանության միջև
Խորհրդատվության ընթացքում իրավիճակը բացատրվում և գնահատվում է։ Եթե Ձեր գործում անհրաժեշտ է պաշտպանություն կամ ներկայացուցչություն, որն օրենքով վերապահված է փաստաբանին, այդ մասին կտեղեկացվեք նախապես։
Որքա՞ն արժե խորհրդատվությունը
Խորհրդատվության արժեքը 20 000 դրամ է։
Հնարավո՞ր է խորհրդատվություն ստանալ առցանց
Այո։ Խորհրդատվությունը կարող է անցկացվել տեսազանգով։ Նախապես գրեք WhatsApp-ով կամ Telegram-ով՝ ժամը համաձայնեցնելու համար։
Ինչպե՞ս դիմել, եթե գտնվում եմ արտասահմանում
Գրեք WhatsApp-ով, Telegram-ով կամ էլ. փոստով։ Խորհրդատվությունը կանցկացվի տեսազանգով՝ համաձայնեցված ժամին։
Գրեք կամ զանգահարեք
Առաջին կապը ոչ մի բանի չի պարտավորեցնում։ Կարճ նկարագրեք Ձեր հարցը, և խորհրդատվության ժամանակը կհամաձայնեցվի։